كِلّ مَا الشِّعِر

عَابُوا عَلَيِّي قَالْ إِنِّكْ مِشْ إِلِي

مِينِ اللي قَلُّنْ عَالِق بْهَالمَسْأَلِه

كِلّ مَ الشِّعِر يِكْتُبْ بِنَارُو عَ الوَرَقْ

بْشُوف الحَبِس وَاقِعْ عَ حَالُو وِ احْتَرَقْ

وِ البَحِرْ دايِخْ صَارْ وِ يُخَاف الغَرَقْ

بْغَمِّض عْيُونِي وْ بِقْشَعِكْ إِنِّكْ إِلِي

عَابُوا عَلَيِّي قَالْ فَضَّلْتِ الرَحِيلْ

عَ عِشْرِتِي... وِ طْلِعِتْ بِجْمِيلِكْ بَخِيل

كِل ما نِزِلْ إِلِهَامْ يِكْتِبْلِي القَصِيدْ

بْشُوفِكْ قَمِحْ فِرحَانْ بِغْلال الحَصِيدْ

بْتِكبَرْ بِقَلبِي، وْ يِكْبَر بْقَلبِي الرَّصِيدْ

بْشُوف الكَرِم عَ بَيدَرِكْ زَاد وْ غِلِي